Il project d'art imkonvikt è in concept d'exposiziun per la chasa da dimora da la Scola chantunala - che è vegnida renovada l'onn 2020 – a la spunda tranter la veglia via da Scanvetg e la via vers Arosa. Mintga seria d'ovras sa referescha al lieu, a las abitantas ed als abitants u ad ina tematica da giuvenils.

Il cumplex d'edifizis sin il terren taiss dat dapi l'onn 1968 albiert a giuvenils da tut las valladas dal Grischun che han tschernì Cuira resp. la SCG sco lieu da scolaziun. L'implant marcant dal modernissem suenter la guerra consista da trais gronds cubus, sin ils quals sa repartan nov auzadas. Da la terrassa sin il tetg da la sisavla auzada han ins ina vista incumparegliabla sin la citad veglia da Cuira.

Ils proxims pèr onns vegnan planisadas e tschernidas – sper las fotografias gia existentas da las emna da project passadas – ulteriuras serias d'ovras en differentas tecnicas da classas da la SCG per quest project d'art.